XXII MARCHA CONTRA AS CAUSAS DA FAME

por
Movemento
Cultural Cristián
Casa
de Cultura e Solidariedade “Guillermo Rovirosa”
Rúa do Home Santo 47, baixo
15703- Santiago de Compostela
Queridos amigos:
Queremos compartir con vós a ledicia
de celebrar a XXII Marcha contra as causas da fame na cidade de Santiago de
Compostela e tamén teremos Concentración en A Coruña.
Este ano consideramos que cómpre
saír ás rúas e estender o berro solidario porque a situación que vivimos aquí
demostra que esta economía canalla que leva moitas décadas xerando fame e
explotación nos países empobrecidos, está producindo “axustes estructurais”
tamén aquí, na veciñanza, na nosa cidade.
Un dos feitos que demostran que a
loita pola xustiza ten que ser internacional é a contraposición entre o
despilfarro de alimentos e a fame. Só en España os supermercados botan ao lixo
máis de 50.000 toneladas de comida fresca; cantidade que alimentaría anualmente
a 43.000 familias. En Santiago de Compostela máis de 100 persoas percorren os
comedores sociais cada día.
A loita contra as causas do paro
esixe a loita contra as causas da escravitude infantil; porque esta economía
canalla xera paro e explotación no Norte e escravitude infantil e fame no Sur.
Por iso vos convidamos a dialogar
este tema a través do instrumento que vos poida valer:
–               
Un
obradoiro de investigación – acción sobre o despilfarro de alimentos.
–               
A
carpeta da Campaña pola Xustiza nas Relacións Norte – Sur que recollen actividades
e materiais para o traballo con grupos. DVD sobre o tema.
E a compartir con nós unha Marcha
pola cidade percorrendo institucións cómplices do despilfarro de alimentos.
Sairá o sábado 15 de decembro ás 18h da Pza do Toural e ás 19h teremos o acto
final na mesma praza.
Hoxe máis ca nunca hai a tentación
de dicir “primeiro nós”, pero, ou a loita é solidaria ou non conseguiremos
transformar este mundo inxusto nun mundo máis humano e solidario.
Unha aperta,
Amigos da Casa de Cultura e
Solidariedade.
As citas son:
SANTIAGO DE
COMPOSTELA
.
SÁBADO 15 DE DECEMBRO DE 2012.
MARCHA. Sairá ás 18h da Pza do
Toural. Rematará ás 19h na mesma praza.
A CORUÑA.
SÁBADO 22 DE DECEMBRO DE 2012.
CONCENTRACIÓN. 18H en Riego de Agua.

También te puede interesar

Deja un comentario