Preparando a Pascua Xoven Arousa 2015 #sonfeliz

O pasado sábado 31 de xaneiro, nunha mañá fría, reuniuse na Parroquia da Xunqueira, o secretariado da Pascua Xoven.

Cada día queda menos para o encontro do mes de Abril, como pasa o tempo!

Hoxe concluímola primeira fase. Nela os grupos puidemos traballar que entendemos por alegría, que cousas necesitamos para ser felices, que hai neste mundo que sexa imprescindible para alcanzala felicidade, e despois de momentos de indecisión dos adolescentes, chegaron á conclusión de que ben pouco nos fai falta para que a ledicia nos percorra a alma.

Tamén recibímolo segundo traballo, que profundizaremos dende hoxe ata a convivencia. Comeza a aproximación a Xesús, ao Evanxeo, e a “alegría do Evanxeo”.

Outra das tarefas desta mañá foi distribuílas responsabilidades da xuntanza de abril; cada grupo porase mans a obra ser alegres, e transmitir ledicia tamén na Pascua e, por suposto, na vida.

Deixando que o optimismo e, sobre todo, a alegría nos invadan, saudámosvos dende Arousa!

Ese mesmo día os músicos da Pascua Xoven de Arousa xa empezaron no Obradoiro da nosa parroquia os ensaios para quentar os motores…


También te puede interesar

Este sitio utiliza cookies de Google para prestar sus servicios y para analizar su tráfico. Tu dirección IP y user-agent se comparten con Google, junto con las métricas de rendimiento y de seguridad, para garantizar la calidad del servicio, generar estadísticas de uso y detectar y solucionar abusos. Aceptar Más información

Privacy & Cookies Policy